H108S - Evrópufrímerki 2015 - Gömul leikföng - Stakt merki úr H108 - Sjálflímandi

Samkvæmt ákvörðun PostEurop, Sambands opinberra póstrekenda í Evrópu, eru gömul leikföng sameiginlegt þema Evrópufrímerkjanna árið 2015. Leikföngin á frímerkjunum eru dýrfirsku Dúa-bílarnir og tréönd Leikfangagerðar Akureyrar.
Tréöndin var fyrst framleidd hjá Leikfangagerð Akureyrar og Leifsleikföngum sem störfuðu á Akureyri frá 1931–1960. Leifsleikföng tóku við framleiðslunni árið 1942 og hélt fyrirtækið áfram að smíða leikföng úr tré til ársins 1960. Frumkvöðullinn að þessari leikfangagerð var Skarphéðinn Ásgeirsson. Leikföngin nutu mikilla vinsælda hérlendis en grundvöllurinn brast þegar erlend leikföng tóku að berast í auknum mæli til landsins. Á Akureyri rekur Guðbjörg Ringsted leikfangasafn í Friðbjarnarhúsi. Má þar finna fjölda leikfanga frá síðustu öld, meðal annars tréöndina.