662B - Ungviði íslensku húsdýranna II - Lamb - Sjálflímandi - 50g innanlands

Lamb. Sauðburður þykir mörgu sveitafólki vera skemmtilegasti tími ársins. Þá er veturinn á enda, daginn farið að lengja, fuglasöngur í lofti og gróður í miklum vexti. Sauðburður hefst yfirleitt fyrrihluta maí, en ærnar ganga með lömbin í um 140 daga. Íslenska sauðféð er fjörugt en viðráðanlegt og spretthörð lömbin eru eftirlæti barnanna. Hegðun íslenska fjárins er oft líkt við villifé en það aðlagast fljótt aðstæðum og hænist að smölum. Mikil vinna fylgir sauðburði. Vaka þarf yfir kindunum allan sólarhringinn meðan sauðburður stendur yfir.