657FDCS - Fullveldi Íslands 1918-2018

Árið 2018 er ein öld liðin frá því að Ísland varð sjálfstætt ríki í samfélagi þjóðanna. Samningum um fullveldi Íslands lauk 18. júlí 1918 og teljast þessir atburðir hinir merkustu í sögu þjóðarinnar frá upphafi. Samið var um að Danir færu að formi til með samskipti Íslendinga við aðrar þjóðir, þ.e. utanríkisþjónustuna og gæslu landhelginnar. Með fullveldinu fékk íslenska ríkið fullt ákvörðunarvald um skipan dómsvaldsins og Hæstiréttur Íslands var stofnaður 1919. Þann 16. júní 1944 var sambandslagasamningurinn frá 1918 felldur niður og á hátíðarfundi Alþingis á Þingvöllum næsta dag gekk ný stjórnarskrá í gildi og fyrsti forseti Íslands var kosinn. Í kjölfar fullveldisins 1918 fylgdu miklir framfaratímar hér á landi og voru samskipti við erlend ríki mikilvægur þáttur í þeirri þróun. Gríðarlegar breytingar hafa orðið á högum þjóðarinnar á undanförnum 100 árum. Sem dæmi má nefna að landsmönnum hefur fjölgað úr rúmum 91.000 í tæp 346.000. Landhelgin var stækkuð í fjórum áföngum úr 3 sjómílum í 200 mílur. Búsetuhlutfall hefur gjörbreyst. Árið 1918 bjuggu tæp 80% landsmanna á landsbyggð- inni en í ársbyrjun 2018 bjuggu um 64% landsmanna á höfuðborgarsvæðinu og 36% á landsbyggðinni.