649FDCS - Ungviði íslensku húsdýranna

Ungviði íslensku húsdýranna verða myndefni frímerkjaraðar sem fyrirhugað er að komi út á næstu árum. Vorið er skemmtilegasti tíminn í sveitinni og í Húsdýragarðinum í Reykjavík, þegar nýtt líf kviknar með tilheyrandi gleði og umstangi. Kiðlingarnir í Húsdýragarðinum eru oft fyrsta ungviðið. Þeir eru skemmtilegir og fjörmiklir og í miklu uppáhaldi hjá börnum og öðrum gestum Húsadýragarðsins. Við upphaf byggðar á Íslandi fluttu landnámsmenn geitur með sér til landsins og eiga allar íslenskar geitur rætur að rekja til landnámskynsins. Íslenska geitin er á válista.

Það eru spennandi tímar framundan þegar nýr kettlingur bætist við fjölskylduna og mikið sem þarf að læra um hvernig hægt er að auðvelda honum að aðlagast heimilinu. Kettir eru hreinleg dýr og fljótir að læra. Mataræði kettlinga er ólíkt næringarþörf eldri katta og því mikilvægt að gefa þeim rétta fæðu. Skemmtilegt er fyrir börn að leika við lítinn kettling. Æfingin er kettlingnum góð og styrkir líkama hans þegar hann stækkar en leikurinn er einnig góð aðferð til tengslamyndunar milli fjölskyldumeðlimanna og kattarins.