648FDC4 - Alþjóðlegt ár sjálfbærrar ferðaþjónustu

Árið 2017 er ár „sjálfbærrar ferðaþjónustu“ samkvæmt ákvörðum Sameinuðu þjóðanna. Sjálfbær ferðaþjónusta er skilgreind sem sú þróun eða starfsemi í ferðaþjónustu sem ber virðingu fyrir umhverfinu og tryggir verndun náttúrulegra og menningarlegra auðlinda til langs tíma. Bláa lónið á Reykjanesskaganum myndaðist af affallsvatni frá Hitaveitu Suðurnesja í kjölfar starfsemi hennar í Svartsengi við Grindavík árið 1976. Þegar fólk fór að baða sig í lóninu kom í ljós að það hafði jákvæð áhrif á húð- sjúkdóminn psorisasis. Lónið hefur með tímanum orðið einn fjölsóttasti ferðamannastaður á Íslandi. Vistkerfi þess er eitt sinnar tegundar í heiminum. Hitastigið í lóninu er 37-39°C og það endurnýjar sig á 40 stunda fresti. 

Jarðböðin við Mývatn eru staðsett í Jarðbaðshólum nálægt Reykjahlíð. Þar hafa heit jarðböð verið stunduð til heilsubótar frá landnámsöld. Boðið er upp á náttúruleg gufuböð, baðlón með heitu hveravatni og heitan pott. Mývatn er fjórða stærsta stöðuvatn landsins og heimsfrægt fyrir fjölbreytt náttúrufar og fuglalíf. Jarðmyndanir eru mjög fjölbreytilegar og víðast hiti í jörðu, enda er svæðið innan hins virka eldgosabeltis og eru eldgos tíð, hið síðasta árið 1984.