645B - Ferðamannafrímerki VI - Jöklaferðir - 50g utan Evrópu

Afþreying fyrir ferðamenn á Íslandi er þema ferðmannafrímerkjanna í ár. Jöklaferðir hafa farið mjög vaxandi hin allra síðustu ár. Ferðast er um á snjóbílum, vélsleðum, jeppum eða í skipulögðum gönguferðum. Fjöldi gönguleiða af öllum erfiðleikastigum eru víða um land. Í byrjun júní 2015 voru opnuð ein stærstu manngerðu ísgöng í heimi í Langjökli, alls 550 m löng. Jöklaferðum fylgir alltaf nokkur áhætta. Fylgja þarf fyrirfram ákveðinni leið og þegar ferðast er í grennd við sprungusvæði skulu allir vera í beltum og bundnir í línu. Góður undirbúningar og vandað leiðarval dregur verulega úr áhættu á óhöppum. Ísklifur er hluti af jöklaferðum og þar er jökulexi, mannbroddar og hjálmur nauðsynlegur útbúnaður.