644A - Íslensk samtímahönnun VIII – Textílhönnun - Vík Prjónsdóttir - Sjálflímandi

Textílhönnun er þema áttundu frímerkjaraðarinnar sem tileinkuð er íslenskri samtímahönnun. Vík Prjónsdóttir hannaði trefilinn „Verndarhönd“. Vík Prjónsdóttir er samstarfsverkefni hönnuða en markmið þess er að efla vöruþróun á sviði ullar- og prjónaiðnar. Hönnuðirnir heillast af sagnahefð og hegðun náttúrunnar. Þeir eru Brynhildur Pálsdóttir, Guðfinna Mjöll Magnúsdóttir og Þuríður Rós Sigurþórsdóttir. Fyrirtækið hefur hlotið margvísleg verðlaun og viðurkenningar og vörurnar verið sýndar á sýningum erlendis.