637B - Villtur íslenskur gróður - Holurt - Sjálflímandi

Holurt (Silene uniflora) er háplanta af hjartagrasaætt sem vex á melum eða söndum. Oftast vaxa margir stönglar upp af sömu rót, 10–25 sm á lengd. Algengur misskilningur er að holurtin sé flugnaæta en flugur leita stundum niður í belginn. Hún er algeng þar sem malarborinn jarðvegur eða vikur er fyrir hendi, en fremur sjaldgæf þar sem land er þétt gróið. Hæst hefur hún fundist ofan 1000 metra. Holurtin er auðþekkt frá öllum öðrum íslenskum jurtum, meðal annars á hinum sérkennilega, uppblásna bikar (flugnabú).