630C - Íslensk samtímahönnun VII - Keramikhönnun - Hanna Dís Whitehead - Sjálflímandi

Keramikhönnun er þema sjöundu frímerkjaraðarinnar sem tileinkuð er íslenskri samtímahönnun. Hanna Dís Whitehead hannaði leirílátin „Samtal“. Hanna Dís útskrifaðist sem vöruhönnuður með láði frá Design Academy Eindhoven í Hollandi. Hún rekur Stúdíó Hanna Whitehead. Hún hefur tekið þátt í fjölda sýninga og var tilnefnd „New Talent” fyrir Íslands hönd í European Ceramic Context sem er hluti af tvíæringi fyrir evrópska gler- og leirlist.