616B - Evrópufrímerki 2015 - Gömul leikföng

Samkvæmt ákvörðun PostEurop, Sambands opinberra póstrekenda í Evrópu, eru gömul leikföng sameiginlegt þema Evrópufrímerkjanna árið 2015. Leikföngin á frímerkjunum eru dýrfirsku Dúa-bílarnir og tréönd Leikfangagerðar Akureyrar.
Upphaf Dúa-bílanna er rakið til ársins 1985 þegar nokkrir frumkvöðlar úr Dýrafirði stofnuðu Leikfangasmiðjuna Ölduna. Markmið þeirra var að framleiða tréleikföng. Leikfangasmiðjan framleiddi alls kyns eftirsótt leikföng, meðal annars Dúabílana sem urðu afar vinsælir. Rauði kross Íslands var um árabil einn af umboðsaðilum Leikfangasmiðjunnar og varði ágóða af sölunni til reksturs húss Rauða krossins í Reykjavík en þar var hjálparstöð fyrir börn og unglinga. Dúa bílinn má m.a. skoða hjá Byggðasafni Hafnarfjarðar.