580D - Íslensk myndlist III - Önnur kynslóð frumherja - Nína Sæmundsson

Veraldarsýn þeirra íslensku listamanna sem komust til þroska á öðrum og þriðja áratug 20stu aldar var talsvert önnur en aldamótakynslóðarinnar. Guðmundur Thorsteinsson (Muggur) (1891-1924) málaði vissulega landslagsmyndir, en fann sig betur í myndum af fólki við ýmsar kringumstæður, bæði í veruleikanum sem í þjóðsögum og ævintýrum. Helstu einkenni þessara mynda eru uppáfinningasemi, elskuleg glettni og angurværð. Kristín Jónsdóttir (1888-1959), var fyrsta konan meðal íslenskra myndlistarmanna sem skapaði sér eigin myndveröld, formfasta og tæra, úr hversdagslegum fyrirbærum. Myndlist þeirra Nínu Sæmundsson (1892-1965) og Júlíönu Sveinsdóttur (1889-1966) hverfist einnig um persónulegar lausnir. Viðbrögð Nínu, fyrsta myndhöggvara í hópi íslenskra kvenna, við breyttri heimsmynd voru að snúa baki við svokallaðri „framsækinni“ myndlist og freista þess að skapa nútímaleg verk á grundvelli hefðbundinnar höggmyndalistar. Júlíana hóf feril sinn sem landslagsmálari, en þróaði á endanum persónulega náttúrusýn byggða á ljóðrænni túlkun fremur en formhyggju.

Verð: 50g utan Evrópu (230 kr.)