562B - Íslensk myndlist II – Frumherjarnir - Ásgrímur Jónsson

Frumkvöðlar íslenskrar myndlistar í nútíð, listmálararnir Þórarinn B. Þorláksson (1867-1924), Ásgrímur Jónsson (1876-1958), Jóhannes Kjarval (1885-1972) og Jón Stefánsson (1881-1962) voru um margt ólíkir. Framan af eru verk þeirra allra þó eins konar framlenging af þjóðernisrómantískri sjálfstæðisbaráttu landsmanna. Þórarinn og Ásgrímur gerðust túlkendur hinnar sérstöku íslensku birtu og sumarnæturkyrrðar, Jón Stefánsson dró upp myndir af formfastri og stórbrotinni náttúru óbyggðanna og Kjarval gæddi náttúruna ríkulegu innra lífi.