542A - Vífilsstaðahælið 100 ára

Árið 1906 skipaði Oddfellowstúka nr. 1, Ingólfur, nefnd sem hafði það hlutverk að vinna að útrýmingu berklaveikinnar hér á landi. Sama ár var Heilsuhælisfélagið stofnað og fé safnað til að byggja Vífilsstaðahæli. Hælið var byggt og teiknað af Rögnvaldi Ólafssyni, einum af stofnendum Verkfræðingafélags Íslands. Spítalinn var vígður og tekinn í notkun 5. september 1910. Fyrsti yfirlæknir á Vífilsstöðum var dr. Sigurður Magnússon. Vífilsstaðir voru byggðir fyrir um 80 sjúklinga en árið 1922 voru sjúklingar að meðaltali 130 á dag og átti þeim en eftir að fjölga. Á þriðja tug aldarinnar var talið að 20% allra dauðsfalla á Íslandi mætti rekja til berklaveikinnar. Samtök íslenskra berklasjúklinga, SÍBS, voru stofnuð 1938. Vífilsstaðir voru berklahæli fram undir 1970 en eru nú hluti af Landsspítala – háskólasjúkrahúsi. Árið 2003 gerði Hrafnista samning við heilbrigðis- og tryggingaráðuneytið um rekstur hjúkrunarheimilis fyrir aldraða á Vífilsstöðum.