541A - Fyrstu gasljósin í Reykjavík 100 ára

Ljósmeti fyrri tíma var ýmiskonar dýrafita en árið 1860 voru fyrstu steinolíulamparnir fluttir til landsins. Hálfri öld síðar hófst rekstur gasstöðvar í Reykjavík. Með gasstöðinni hófst bylting í baráttu Íslendinga við myrkrið og margir létu setja gasljós í híbýli sín. Gasstöð Reykjavíkur var gasveita við Hlemm í Reykjavík sem var starfrækt frá 1910 til 1956. Hún framleiddi gas til eldunar og lýsingar úr innfluttum kolum. Þegar gasinu hafði verið náð úr kolunum með upphitun, varð til koks, sem Gasstöðin seldi til brennslu og upphitunar. Eftir stofnun Rafmagnsveitu Reykjavíkur árið 1921 var gasið nær einvörðungu nýtt til eldamennsku.