529A - Þingvallakirkja

Kirkja hefur verið á Þingvöllum frá því skömmu eftir kristnitöku. Kirkjan sem nú stendur á Þingvöllum, var vígð árið 1859. Kirkjan á ýmsa ágæta gripi, m.a. predikunarstól frá 1683 og altaristöflu málaða af Ófeigi Jónssyni árið 1834. Kirkjan eignaðist aðra altaristöflu eftir danska málarann Anker Lund árið 1896. Skírnarfontur kirkjunnar frá 1962 er hannaður af Guðmanni Ólafssyni. Kirkjan var friðuð 1. janúar 1990 samkvæmt aldursákvæði þjóðminjalaga. Með lögum sem tóku gildi 1. júní 2007 er Þingvallakirkja eign íslenska ríkisins. Ríkið á fyrir Bessastaðakirkju og Dómkirkjuna á Hólum.